Romaría audiovisual de novos creadores no Alg-a Lab.

Imprimir
logo-curtopia

Hoxe dará comezo o Festival Curtopía, unha romaría audiovisual que leva dous anos de andaina e que toma as instalacións do Alg-a Lab (Valadares) como sede desta edicións. Ademais dunha morea de curtas e documentais o festival ofrecerá como sempre a posibilidade de achegar unha instancia de encontro entre os creadores e o público a través de proxeccións, debates e obradoiros . As xornadas terán lugar durante toda a fin de semana.

 

As curtametraxes seguen a ser a base do festival, pero estarán arroupadas por un completo calendario de actividades: Música en directo, fotografía tradicional, clowns ou unha mostra-debate sobre a importancia da Panificadora na cidade. Todas as actividades e proxeccións estarán aderezadas con comida e bebida a prezos populares.