O Centro Cultural O Torreiro de Priegue albergará este martes 7 de agosto ás 21.00 horas a actuación de Novo Circo "Sen Medidas", interpretada polo clown Jano. Nesta interpretación, o clown ofrecerá ao seu público un espectáculo no que xogara coma un neno atrapado nos medos dun adulto. Mesturará a destreza dos malabares, a forza das acrobacias e o seu gran enxeño coa participación inestimable do público. En definitiva, 50 minutos de risas, humor orixinal e arriscadamente divertidos para todos os públicos.

Jano inicia a súa andaina como clown formándose na Escola International de Eric Bont, continuando con esta viaxe a través de mestres como Walter Velázquez e Óscar Zimmerman.