Máis de 1.000 rapaces de todos os centros escolares de Gondomar participarán mañá venres, a partires das 11.00 horas, no tradicional desfile escolar “Marcha coa túa máscara”, punto de saída ás celebracións do Entroido do municipio. A marcha partirá do Pavillón Municipal e discorrerá pola Avda. De Elduayen, Ángel Urzáiz, Párroco J. Mariño, M. Losada, San Bieito e baixará de novo pola rúa Eduardo Iglesias. Na actividade participarán institutos de secundaria (Auga da Laxe e Terra de Turiono), así como os centros escolares Chano Piñeiro, Neira Vilas, Colexio Rural Agrupado Antía Cal. Na marcha tamén participarán os máis pequenos, os alumnos dos centros de educación infantil Galiña Azul e da Escola Unitaria de Mañufe.

Festival DJ

Como principal novidade, o programa de Entroido deste ano inclúe a celebración do I Festival Dj Concello de Gondomar. O festival terá lugar no Pavillón Municipal mañá venres a partires das 23.00 horas. Participarán Miguel Sio (Privèe-Vigo), Jesu Nuñez y Joseph Weil, habituais de Pause&Play (Tui), Paradise (Tui), Etnias (Vigo), Sala Zona (Bueu), Wamba (Porriño), Montesol (As Neves), Dj Gabi e Dj Martin. Por último, o guitarrista e solista Rubén de Lis presentará o seu proxecto Guitar House Project.

O Entroido continuará o domingo coa lectura do pregón e o multitudinario desfile – concurso de comparsas de Entroido, a partires das 16.00 horas.