Sinalan que as vivendas de protección autonómica como As Escubichas (Sabarís) entregáronse sen o compromiso de existencia da obriga de constitución dunha xunta de conservación. Obriga que a normativa vixente carga aos promotores unha vez construída unha urbanización para o mantemento de espazos verdes públicos adscritos a esas construcións. Nese senso, os voceiros do PSOE, BNG e EU de Baiona asinaron un documento conxunto no que expresan que o caso “As Escubichas”, representa “un grave prexuízo económico precisamente ás familias que máis dificultades está a padecer nesta crise sistémica”.
Baiona - Noticas de Baiona e Val Miñor
Oposición presenta iniciativa para eximir ás vivendas protexidas de #Baiona de manter os espazos verdes.
Propoñen 1 hora de aparcadoiro gratuíto no Aral para usuarios do Centro de Saúde de #Baiona.
A medida é iniciativa da agrupación municipal de Esquerda Unida Baiona e tamén quere beneficiar aos usuarios da Oficina de Emprego.
Sería só no horario da mañá e por unha hora. Os usuarios deberán acreditar que teñen necesidade de facer uso dos servizos, tanto do Centro de Saúde como da Oficina de Emprego situada en Baiona. A iniciativa parte de Esquerda Unida que a presenta en forma de acordo para se discutida no vindeiro pleno de Baiona.
Baiona acorda coa Xunta o financiamento das obras para mellora do camiño Portelos en Baredo.
Esta mañá o Alcalde de Baiona, Jesús Vázquez Almuiña, e o Director Xeral de Administración Local da Xunta de Galicia, José Alberto Pazos Couñago, asinaron un convenio de colaboración para mellorar a accesibilidade, renovando o drenaxe e firme, do Camiño Portelos situado na Parroquia de Baredo.
O proxecto ten un orzamento de 36.204,22 euros (IVA excluído).O Fondo Europeo Agrícola de Desenvolvimiento Rural (Feader) financia un 75% do proxecto mentres que o 25% restante contan a cargo dos fondos propios da Comunidade Autónoma e transferencias finalistas do Estado.
A Banda de Música de Baiona ofrecerá un concerto nocturno na praza do Concello.
A Banda de Música Municipal de Baiona ofrecerá este venres un concerto a partir das 23 horas no escenario central montado na praza do Concello. Entrada libre.
Socialistas ven “curioso” que o levantamento do peche ao Villa Rosa coincida cunha visita do vice da Xunta.
Así o expresou Rafael Lores, secretario xeral do PSOE de Baiona nun comunicado público. Tras denunciar "escurantismo" no proceder do alcalde Vázquez Almuíña (PP), engade que o peche que pesaba sobre a discoteca Villa Rosa, propiedade de Ezequiel Simóns, foi levantado "curiosamente ao día seguinte da visita do Vicepresidente da Xunta de Galicia, o Sr. Rueda"
"De improvisación, ausencia de rigor e fundamentalmente escurantismo, é como podemos cualificar a xestión do peche e a posterior apertura de Vila Rosa por parte do alcalde de Baiona", denunciaba esta fin de semana o concelleiro da agrupación socialista de Baiona, Rafael Lores.
JPAGE_CURRENT_OF_TOTAL
